மெல்லிய உணர்வுகளும் அடர்த்தியான சொற்களும்

கண்ணிமைகளுக்குள் மோதிக்கொள்ளும்

நிறைவேறா அவா, சாதனைகளின் துடிப்பு

வெளியிட முடியா பிழம்புக் குவியல்கள்

எல்லாம் ஒன்றாய் வண்ணக்கோலமிடும்;

அசைத்துப்பார்க்கும், வெடித்துச் சிதறும்;

கண்விழித்ததும் காணாது மறையும்,

சிலநேரம் நினைவுகளில் உறையும்;

ஆழ்ந்த உறக்கம் அமையா பொழுதுகளில்

சுற்றித் திரியும் கைகால் முளைத்து

முளைத்த கைகால்களுக்கு முகம் வரைந்து

நெஞ்சத்து அமைதி கலைப்பது மூடத்தனமாம்!!