தோல்வியின் சருகெடுத்து

நெருப்பிட்டு பொசுக்குவோம்;

தீயில் எழும் புகையை பிடித்தெடுத்து

முகிலின்  தோட்டத்திற்கு அனுப்பி

நீரின் சூலை ஏந்திடச் செய்வோம்;

ஒவ்வொரு தோல்வியும்

சூல் கொள்கிறது

வெற்றித்  தடங்களை;

தடங்களின் கனம்  அதிகமானால்

மழையாய் பொழியும் தரை தொட்டு;

துளிகள் மீண்டு செல்லும் முகில் கூட்டத்திடம்;

நீரின் வட்டச் சக்கரம் போலவே

தொடர்ந்து கொண்டே இருக்கும்

நீண்டுகொண்டே இருக்கும்

பொழிந்து கொண்டே இருக்கும்

வாழ்க்கையும்…