நவம்பர் 26, 2022 இதழ்
தமிழ் வார இதழ்

ஶ்ரீலங்காவில் ஜூலை கறுப்பு(கவிதை)

ராஜ் குணநாயகம்

Jul 23, 2022

siragu urimaip poraattam1

அன்று வெலிக்கடையில்

அன்று தமிழர்களின்

அறவழிப்போராட்டங்களில்

அன்று பட்டலந்த சித்திரவதை முகாமில்

அன்று பிந்துனுவெவவில்

அன்று முள்ளிவாய்க்காலில்

சொந்த நாட்டு மக்களை

வேட்டையாடிய

அதே

இரத்தக்காட்டேறிகள்

பிணந்தின்னிகள்

இன்று

காலிமுகத்திடலில்

அதே

கோரப்பசியோடும்

இரத்தம் வழிந்த

கோரப்பற்களோடும்

அந்த இரத்தவாடை

தீர்வதற்குள்

அறவழியில் போராடும் மக்களை

வேட்டையாட தயாராகிவிட்டன.

 

அன்றுவரை

ஶ்ரீலங்காவில்

தமிழ் மக்களுக்கு

மாத்திரமே

கறுப்பாயிருந்த ஜூலை

இன்று

சிங்கள சகோதரர்களுக்கும்

கறுப்பாய் தெரிய தொடங்கியிருக்கிறது

அதே வலிகளோடும்

ரணங்களோடும்!

 

ஈழன்.

 


ராஜ் குணநாயகம்

இவரது மற்ற கட்டுரைகளைக் காண இங்கே சொடுக்குங்கள்.

கருத்துக்கள் பதிவாகவில்லை- “ஶ்ரீலங்காவில் ஜூலை கறுப்பு(கவிதை)”

அதிகம் படித்தது