கவிதைத் தொகுப்பு (உயிர் நீர், காற்று, இனியவள்)
ராம்Nov 13, 2021
வையையிலே நீர் வருமோ
வரப்பு எங்கும் வழிந்திடுமோ
பொய்யையிலே புனல் வருமோ
பொதி மூட்டை குவிந்திடுமோ
நட்டோர் உள்ளம் வருந்திடுமோ
கண்டோர் கண் வடித்திடுமோ
வதைப் படலங்கள் தொடர்ந்திடுமோ
விவசாயக் குடி மறைந்திடுமோ
சாளரத்தை திறந்து விட்டு
காற்றை குறை கூறுவது போல் இருக்கிறது மக்களின் கூக்குரல்
சாவியை வைத்து கொண்டு அவர்கள்
காற்றிடம் பேரம் பேசுகிறார்கள்
மன மொழியை பேசுபவள்
பயித்தியக்காரி
எதிர்த்துப் பேசுபவள்
அடங்காப் பிடாரி
பேசவில்லை என்றால்
அமுக்கனி
முந்திக் கொண்டால்
அவசரக் குடுக்கை
உடல்மொழியை பேசுபவள்
விபச்சாரி
நியாயத்தைப் பேசுபவள்
குற்றவாளி
கோபத்தைக் கொட்டுபவள்
ராட்சசி
இனியவளைக் கண்டறியும்
கண்களுக்காக…
நாங்கள்
- ராம்
ராம்
இவரது மற்ற கட்டுரைகளைக் காண இங்கே சொடுக்குங்கள்.
கருத்துக்கள் பதிவாகவில்லை- “கவிதைத் தொகுப்பு (உயிர் நீர், காற்று, இனியவள்)”