கவிதைத் தொகுப்பு (முளைக்கும் விதைகள்,ஞாபகங்கள்)
குமரகுரு அன்புDec 18, 2021
முளைக்கும் விதைகள்
துளிர்விடப்போகும் விதைகளைச்
சுமந்துநிற்பவர்களின் துப்பட்டா
இலைகள் காற்றில் படபடக்கின்றன!…
இன்னும் சிலநாட்களில்
அவர்கள் தாங்கியிருக்கும்
விதைகளிலிருந்து வெளியேறியபின்
அச்செடிகள் இடம் மாற்றி மாற்றிப்
பதியனிடப்பட வேண்டும்…
எல்லா விதைகளும் ஒரே நாளில் முளைப்பதில்லை…
எல்லா செடிகளும் அங்கேயே வளர்வதில்லை…
எல்லா விதைகளும் முளைப்பதுமில்லை…
முளைத்த இடத்திலேயே வளரும்
பிள்ளைகள்
நகராத செடிகளாகிவிடுகிறார்கள்!!
*****
ஞாபகங்கள்
ஒன்றன் அருகில் ஒன்றென
நகர்வதைப்போல
டைப்ரைட்டரை வரியின்
முடிவுவந்ததும் வலமிருந்து இடம் தள்ளிவிடுவதைப்போல
பம்பரத்தின் சாட்டையைச் சட்டென இழுத்து விட்டதும்
ஏற்படும் சுழற்சியைப்போல
சுழன்று கொண்டிருக்கிறேன்
ஞாபகங்களின் சுழலுக்குள்!
*****
குமரகுரு அன்பு
இவரது மற்ற கட்டுரைகளைக் காண இங்கே சொடுக்குங்கள்.
கருத்துக்கள் பதிவாகவில்லை- “கவிதைத் தொகுப்பு (முளைக்கும் விதைகள்,ஞாபகங்கள்)”