மார்ச்சு 25, 2023 இதழ்
தமிழ் வார இதழ்

குளத்துக் கரையில்! (கவிதை)

வழக்கறிஞர். ம. வீ. கனிமொழி

Aug 14, 2021

siragu kulakkarai1

 

தனிமையில் உச்சி வெயிலில்

ஒரு நடை சென்றேன்

நிழல் உடன் வந்தது

செடியின் கிளை

குளத்தின் மேற்பரப்பைத்

தொட்டுக் கொண்டு நீண்டிருந்தது

அழகிய கருநிற பறவை

கிளையின் மீதமர்ந்து

அதன் பிம்பத்தைக்

கண்டு இனிமைக் குரல் எழுப்பிக்

கொண்டிருந்தது

குளத்தில் நீரூற்று;

வாத்துகள் நீந்தி

வருகின்றன,

பறவை ஒன்று நீரின்

கீழிறங்கி

தன் அலகால்

நீரைக் கலைத்து மேலே

பறந்து

செல்கிறது ;

எல்லாம் கவின் காட்சிகள்

கண்களுக்கு,

ஆனால் குளத்து

உயிரினங்களின்

எச்சம் நாசியில்

ஏற மூக்கை மூடிக்கொள்கிறேன்,

ஐம்புலன்களுக்கும்

அனைத்தும் ஒன்றாய்

உவப்பதில்லை

என்றது மூளை;

கண்ணுக்கு இனிமை

மூக்கிற்கு இனிமையாக இல்லை

வாழ்க்கையும்

அவ்வாறே என்ற

தத்துவம் புரிந்தேன்

குளத்துக் கரையில்!


வழக்கறிஞர். ம. வீ. கனிமொழி

இவரது மற்ற கட்டுரைகளைக் காண இங்கே சொடுக்குங்கள்.

கருத்துக்கள் பதிவாகவில்லை- “குளத்துக் கரையில்! (கவிதை)”

அதிகம் படித்தது