விட்டுவிடுங்கள்… (கவிதை)
குமரகுரு அன்புNov 21, 2020
விட்டுவிடுங்கள்…
எங்களை விட்டு விடுங்கள்
நாங்கள் கர்ப்பப்பைக்குள்
சென்று ஒளிந்து கொள்கிறோம்…
அல்லது ஒரு முட்டைக்குள்…
எங்களுக்கு தேவையான
கங்காருவின் பை
எங்கேயிருக்கிறது?
நகங்களை கடித்து
துப்பி கொண்டேயிருக்கிறோம்!
எறும்புகள் இழுத்து செல்லும்
கரப்பான் பிணத்தின்
உறுப்புகள் உதிர்வது போல்
எங்களின் நம்பிக்கை
உதிர்கிறது உங்கள்
மீது பூக்களாக…
அப்போது நீங்கள்
மணவறையில் மணமக்களுக்கு
பின்னால் கூட்டத்தை
கண்டு பயந்தொடுங்கி
நிற்கும் ஒருவராக!
இருவராக! பலராக!
இன்னும் வெவ்வேறாட்களாக பிரிந்து எங்களை பிடிக்க துரத்தும் போது
எதனோடும் ஒப்பிட முடியாத
உவமையான உங்களை
மறந்து பனியன் மேலேறிய
தொந்தி தெரிய
குறட்டை விட்டு
உறங்கி விடுகிறோம்…
குமரகுரு அன்பு
இவரது மற்ற கட்டுரைகளைக் காண இங்கே சொடுக்குங்கள்.
கருத்துக்கள் பதிவாகவில்லை- “விட்டுவிடுங்கள்… (கவிதை)”