மார்ச்சு 25, 2023 இதழ்
தமிழ் வார இதழ்

போரின் பறையொலி !!(கவிதை)

தொகுப்பு

Jun 13, 2020

 

 

போரின் பறையொலி !!

 

siragu porin parayoli1

விடுதலை உணர்வால்

வீதியில் கூட்டம்

கூவிடுதே;
கனலாய் இடியாய்
குமறிடும் நெஞ்சங்கள்
களத்தில் முரசறைகிறதே;
கொரோனாவும் கொஞ்சம்
பதுங்கிடுதே; போராட்டத்
தணலில் வெந்திடுதே;
உயிரா? மானமா?- எனின்
மானம் மானமென
பகன்றிடுதே ;
கழுத்தை நசுக்கும்
வஞ்சகத்தை
வெஞ்சினத்தால்
முறித்திடுதே ;
கறுப்பு வேங்கைகள்
சுழலும் புயலாய்
காலங்கள் கடந்தும்
வெறுப்பு சுமப்பதா?
உரிமை மறுப்பதா?
கொல்லும் உரிமை
கொடுத்தவனெவனடா?
தடுத்து நிறுத்து
கொலைகளெனச்
சாலைகள் நோக்கி
முழக்கமிடுகிறதே;

எங்கள் மூச்சுள்ளவரை
நீதிப் பயணம் தொடரும்
என்றே பொங்கியெழுகிறதே;
பிரித்தாளும் நிறவெறி
துரத்த வீறுகொண்டு
பாதைகளில் சங்கொலி
கேட்கிறதே;
அடிமை விலங்கொடிக்கும்
சங்கொலி ;
சமத்துவப் போரின் பறையொலி !!

 

————————-

 


தொகுப்பு

இவரது மற்ற கட்டுரைகளைக் காண இங்கே சொடுக்குங்கள்.

கருத்துக்கள் பதிவாகவில்லை- “போரின் பறையொலி !!(கவிதை)”

அதிகம் படித்தது