மே 21, 2022 இதழ்
தமிழ் வார இதழ்

எல்லா நோய்களையும் சித்த மருத்துவத்தில் குணமாக்க முடியுமா?

சித்த மருத்துவர் ஜெரோம் சேவியர் B.S.M.S, M.D

Jul 18, 2015

Dr.Jeromeமருத்துவம் என்பது ஒரு அறிவியல். இன்று அறிவியல் துறை ஒரு துறையாக இல்லாமல் பல்வேறு துறையாக பிரிந்து வளர்ந்துள்ளது. அதிலும் மருத்துவ அறிவியல் மிக நுட்பமாக வளர்ந்து வருகிறது. கண்ணுக்கு ஒரு மருத்துவர், பல்லுக்கு ஒரு மருத்துவர் என்ற நிலைமாறி பல் மருத்துவத்திலேயே எத்தனை விதமான மருத்துவர்கள் பாருங்கள்.

siththa maruththuvaththil1

-               Orthodontist– பல் சீரமைப்பு நிபுணர்.

-               Periodontist – ஈறு நோய் நிபுணர்.

-               Oral Maxillofacial surgeon – வாய் முக அறுவை சிகிச்சை நிபுணர்

-               Pedodontist– குழந்தைகள் பல் மருத்துவர்

-               Gerodontist– முதியோர் பல் மருத்துவர்

-               Conservative dentist – வேர் சிகிச்சை நிபுணர் (பல் பாதுகாப்பு)

-               Community dentist – சமூக பல் மற்றும் வாய் நல மருத்துவர்.

-               Prostodontist– செயற்கை பல் கட்டும் நிபுணர்.

-               Implantologist – செயற்கை துளை பல் பொருத்தும் மருத்துவர்.

இது பல்லுக்கு மட்டும்தான். இப்படி ஒவ்வொரு மண்டலத்திற்கும் மிகவும் விரிவாக மருத்துவம் வளர்ந்துகொண்டே செல்லும் இக்காலத்தில் எல்லா நோய்களையும் சித்த மருத்துவத்தில் குணமாக்க முடியுமா?

இதே போல சித்த மருத்துவமும் வளர்ந்துள்ளதா?

siththa maruththuvaththil2நான் மேலே கூறியது போல மருத்துவம் என்பது ஒரு அறிவியல். ஆனால் அறிவியல் அறிஞர்கள் தோன்றி அறிவியல் பார்வையில் வாழ்க்கையில் நாம் சந்திக்கும் கேள்விகளுக்கு விடை காண்பதற்கு முன்பாக அதற்கு விடை காண முயன்றவர்கள் ‘தத்துவ அறிஞர்கள்’ (Philosophers). மருத்துவ அடிப்படையிலான கேள்விகளுக்குகூட தத்துவ அடிப்படையில் விடைகள் தேவைப்பட்டன. அப்படித்தான் மருத்துவமும் தோன்றியது. உதாரணமாக அலோபதி மருத்துவத்தின் தந்தை என அழைக்கப்படும் ‘ஹிப்போகிரேடஸ்’ ஒரு தத்துவ மேதை தான். சித்த மருத்துவத்தின் அடிப்படை தத்துவமான பஞ்சபூதங்கள் (Elemental Theory) எனும் தத்துவத்தினை அவர் பதிவு செய்கிறார். அப்படியானால் உலகில் உள்ள எல்லா மருத்துவ முறைகளும் கிட்டத்தட்ட ஒரே விதமான தத்துவ அடிப்படையில் இருந்துதான் தோன்றியிருக்க வேண்டும். ஆனால் அந்தந்த நாடுகளில் மற்ற துறைகளில் ஏற்பட்ட அறிவியல் வளர்ச்சியின் விளைவாக வெவ்வேறு விதமாக வளர்ச்சி அடைந்துவிட்டன.

நுண்ணோக்கிகள் கண்டுபிடிப்பாலும், எக்ஸ் கதிர் கண்டுபிடிப்பாலும், ஆய்வகங்களில் ஏற்பட்ட கண்டுபிடிப்புகளாலும் உறுப்புகள் சார்ந்து ஒரு வித மருத்துவம் வளர்ந்து விட்டது.

சித்த மருத்துவத்தில் இதேபோல பல்வேறு விதமான அணுகுமுறை உள்ளது. அதாவது நோய்களை வகைப்படுத்தும் முறைகள் பல்வேறு காணப்படுகின்றன.

siththa maruththuvaththil4

  • அடிப்படையில் எந்த குற்றத்தின் அடிப்படையில் இந்நோய் உண்டானது என பார்த்து குணப்படுத்தும் முறை. அதாவது ஒரு நோய் வாத குற்றத்தின் அடிப்படையில் வந்தா நோயா, பித்த குற்றத்தின் அடிப்படையில் வந்த நோயா அல்லது கப குற்றத்தின் அடிப்படையில் வந்த நோயா என பார்த்து அதன் அடிப்படையில் நோயை குணப்படுத்துவது. இதில் பெரும்பாலான நோய்கள் அடங்கியிருக்கும்.
  • நோயில் காணும் குறிகுணங்கள் அடிப்படையில் சிகிச்சை அளித்தல். உதாரணமாக காய்ச்சல், பேதி, செரியாமை, மூலம், தோல் நோய்கள், ஈரல் நோய்(மஞ்சள் காமாலை), குடல் புண், ஆஸ்துமா போன்ற நோய்கள். (இவை மட்டுமல்ல, உதாரணத்திற்காக ஒன்றிரண்டை குறிப்பிட்டேன் அவ்வளவுதான்)
  • அளிக்க வேண்டிய சிகிச்சை அடிப்படையில் நோய்களை வகுத்தல்.

              உதாரணமாக:

i. பேதி கொடுக்க வேண்டிய நோய்கள்

ii. ஆவி பிடிப்பதற்குரிய நோய்கள்.

iii. உடலில் மருந்து எண்ணெய்களை தடவி முறைப்படி பிடித்து விடுவதால் தீரும் நோய்கள்.

iv. இரத்தத்தை வெளியேற்றுவதால் தீரும் நோய்கள்(Blood letting)

  •  வாந்தி செய்ய வேண்டிய நோய்கள்.
  •  உள் மருந்துகளால் குணமாக்க வேண்டிய நோய்கள்.

                i) மூலிகைகளாலும், உபரசங்களாலும் தீர்க்க (Salts) வேண்டிய நோய்கள்.

                ii) தாதுப்பொருட்களாலேயே (Minerals)குணமாக்க வேண்டிய நோய்கள்.

அறுவை சிகிச்சை உள்ளிட்ட (அசுர மருத்துவம்) சில புற மருத்துவத்தால் தீர்க்க வேண்டிய நோய்கள் (25 விதமான அறுவை சிகிச்சை முறைகள் சித்த மருத்துவத்தில் உள்ளன.)

இப்படி பல்வேறுவிதமாக, சிகிச்சை அடிப்படையில் நோய்களை வகுத்து எவ்வித நோய்களையும் சித்த மருத்துவத்தில் குணமாக்க முடியும்.

இன்று பட்ட மேற்படிப்பு என எடுத்துக்கொண்டால் (M.D)

ஆறு துறைகளில் மட்டும் படிப்புகள் உள்ளன.

M.D – குணபாடம் (மருந்தியல்) (Pharmacology)

M.D–மருத்துவம்(Medicine)

M.D –குழந்தை மருத்துவம்(Pediatrics)

M.D – சிறப்பு மருத்துவம்(Special Medicine)

M.D – நஞ்சு மருத்துவம்(Toxicology)

M.D –நோய் இயல் (Pathology)

ஒரே விதமான தத்துவ அடிப்படையைக் கொண்டதாக இருந்தாலும், எல்லா நோய்களையும் குணமாக்கும் மருந்துகளும், மருத்துவ முறைகளும், புற சிகிச்சை முறைகளும் இருந்தாலும் துறை ரீதியாக வளர்ச்சி அடையாமல் இருப்பதற்கு முக்கிய காரணம்(“வெள்ளத் தனைய மலர்நீட்டம் மாந்தர்தம்;உள்ளத்தனைய(து) உயர்வு” ), சித்த மருத்துவத்தை பற்றிய விழிப்புணர்வு மக்களுக்கு இல்லாததே, அதை ஏற்படுத்துவதற்காகத்தான் இந்த இணைய இதழில் தொடர்ந்து எழுதி வருகிறேன். படித்து பகிருங்கள்.

சித்த மருத்துவம் பற்றிய சரியான அறிமுகம் தொடரும்.

மருத்துவ ஆலோசனைக்கு:

Dr. ஜெரோம் சேவியர் B.S.M.S., M.D

சித்தமருத்துவ மையம்,

டாக்டர்ஸ் பிளாசா,

சரவணா ஸ்டோர் எதிரில்,

வேளச்சேரி பேருந்து நிலையம் அருகில்,

வேளச்சேரி, சென்னை.

அலைபேசி எண்: 9444317293


சித்த மருத்துவர் ஜெரோம் சேவியர் B.S.M.S, M.D

இவரது மற்ற கட்டுரைகளைக் காண இங்கே சொடுக்குங்கள்.

கருத்துக்கள் பதிவாகவில்லை- “எல்லா நோய்களையும் சித்த மருத்துவத்தில் குணமாக்க முடியுமா?”

அதிகம் படித்தது