சூலை 2, 2022 இதழ்
தமிழ் வார இதழ்

கவிதைத் தொகுப்பு

குமரகுரு அன்பு

Mar 26, 2022

siragu beach2

 

கடற்கரையின் மணற்துகள்களில்

எழுதப்பட்ட அத்தனைப் பெயர்களையும்

விழுங்கிய கடலுக்கு…

அதன் பெயர் கடலென்றேத்

தெரியாது?

 

*****

 

siragu beach1

 

 

வானும்

கடலும்

கூடும் இடத்திலிருந்து

தெரிகிறதே ஒரு கண்

அதன் விழிதான்

சூரியன்!

 

*****

 

siragu beach3

 

தூரத்திலொரு படகு

நகர்கிறது…

துள்ளுகிறது…

அலை மேல் துடிக்கிறது…

பாவம்!!

 

*****

 

siragu beach4

 

இன்று சிப்பிப் பொறுக்கும் சிறார்

நாளை துப்பட்டாவில் முகம் மூடி

இதே கரையால் அமர்ந்திருப்பார்…

பின்னொரு நாள்,

இதயத்தைப் பிய்த்திந்த

கடலுக்குள் தூக்கியுமெறிவார்…

 

*****

 

Brown Estrela Mountain Dog Rests At The Beach Under Clear Sky At

 

வெயில் படுத்துக் கிடக்கும்

கரையின் மீது

ஒரு நாய் ஓடி கொண்டேயிருந்தது…

ஓரிடம் விட்டு மறு இடம்

மறு இடம் விட்டு இன்னொன்றென…

வாலைப் பின்னங்கால்களுக்குள்

சுருட்டி கொண்டு நாவைத் தொங்கவிட்டபடி

ஓடி கொண்டேயிருக்கும் அந்த நாயைப் பார்த்தபடி

நகர்ந்தே கொண்டிருக்கிறதொரு நண்டு

சுடப்படும் சோளத்திலிருந்து தெறிக்கிறது தீப்பொறி

இப்போது கடல் என்ன செய்யும்?

நாவை நீட்டி சீழ் வடியும் கரையை நக்கி கொண்டிருக்கும் இக்கடலால்

என்னதான் செய்ய முடியும்?

 


குமரகுரு அன்பு

இவரது மற்ற கட்டுரைகளைக் காண இங்கே சொடுக்குங்கள்.

கருத்துக்கள் பதிவாகவில்லை- “கவிதைத் தொகுப்பு”

அதிகம் படித்தது