மார்ச் 6, 2021 இதழ்
தமிழ் வார இதழ்

தன்முனைக் கவிதைகள் (கவிதை)

வழக்கறிஞர். ம. வீ. கனிமொழி

Jan 30, 2021

Siragu kavikkuyil

 

கொக்கு காத்திருக்கிறது/

மீனின் வரவிற்கு/

வாழ்வில் வாய்ப்புகள்/

வருவதும் அதுபோலவே…

 

அணில் ஒன்று/

கொய்யா மரத்தில்/

துள்ளி ஏறியது/

கனிகள் காணவில்லை..

 

காற்றில் கிளைகள்/

அசைந்தாடக் குஞ்சுகள்/

கத்தியது அச்சத்தில்/

நிலவு தாயானது…

 

பசித்த வயிறு/

ஒட்டிய உடல்/

திருமண வீட்டில்/

வீணாகும் உணவு..

 

புள்ளினம் பறந்தன/

இடைவிடா பயணம்/

இயற்கை சீற்றத்தில்/

பயணங்கள் முடிவதில்லை..

 

தூங்கிய கண்கள்/

கெண்டையின் சாயல்/

காதல்  மீன் /

கண்ணீரில் நீந்துகிறது..

 

 

ஏதோ ஏக்கம்/

துவண்டது உள்ளம்/

மண்புழு ஊர்ந்து/

மறுகோடி அடைந்தது..

 

கவிதைகள் வாசிப்பு/

நிழலின் அணைப்பு/

விலங்கா உவமை/

அனுபவத் தேடல்..

 

மேகம் கறுத்தன/

காரணம் என்ன/

களவாடிய மின்னல்/

வெளி வந்ததாலோ..

 

மழைச் சாரல் /

தரை தொட்டதும்/

தடுமாறி தேங்கும்/

விலாசம் தொலைந்ததால்..

 

என்னைப் பார் /

யோகம் வரும் /

கழுதை மேய்ப்போர்/

ஆற்றின் ஓரம் ..

 

 

 

 

 

 

 


வழக்கறிஞர். ம. வீ. கனிமொழி

இவரது மற்ற கட்டுரைகளைக் காண இங்கே சொடுக்குங்கள்.

கருத்துக்கள் பதிவாகவில்லை- “தன்முனைக் கவிதைகள் (கவிதை)”

அதிகம் படித்தது