ஏப்ரல் 10, 2021 இதழ்
தமிழ் வார இதழ்

தொகுப்பு கவிதை (தாய்மொழி நாள் துளிகள், உன்னோடு நான்…!)

தொகுப்பு

Mar 6, 2021

தாய்மொழி நாள் துளிகள் 

வழக்கறிஞர். ம. வீ. கனிமொழி

 

Dec-23-2017-newsletter1

புதுமை கருத்துகள் கூட்டுவோம்

புரட்டு ஏடுகள் கழி்ப்போம்

அறிவியல் நூற்கள் பெருக்குவோம்

அரிமா நோக்கினை வகுப்போம்

 

தாயின் கருவறையில் கமழும்

தவழும் பொழுதினில் இறுகும்

நடை வைக்கையில் பயிலும்

கடை மூச்சிலும் மிளிரும்

 

மூளைப் படிமங்கள்  பதியும்

நினைவுச் சொற்கள்  கோர்க்கும்

தேன் இனிமைச் சாறும்

தென் காற்றின் களிப்பும்

தணல் கூட்டும் நெருப்பும்

தமிழே தமிழே தமிழே

 

துளிகளின் ஊற்றே

துவளும் மனதைத்

தூண்டும் விளக்கே

ஒளியே தமிழே வாழ்க !

உன்னோடு நான்…!

-ராஜ் குணநாயகம்

siragu paguththarivu2பூவோடு வாசமாய்

தீவோடு கடலாய்

கடலோடு அலையாய்

உடலோடு உயிராய்

கண்ணோடு இமையாய்

விண்ணோடு விண்மீன்களாய்

மழையில் குடையாய்

நிலவில் கறையாய்

நாலடியாரின் வரிகள் நான்காய்

திருக்குறளின் ஈரடிகளாய்

கீழடியில் தமிழரின் வரலாறாய்

ஈழத்தில் தமிழரின் போராட்டமாய்

தமிழோடு அழகாய்-என்றென்றும்

உன் இதழோடு புன்னகையாய்-என்றென்றும்

உன்னோடு நான்…..!

 

ஈழன்.


தொகுப்பு

இவரது மற்ற கட்டுரைகளைக் காண இங்கே சொடுக்குங்கள்.

கருத்துக்கள் பதிவாகவில்லை- “தொகுப்பு கவிதை (தாய்மொழி நாள் துளிகள், உன்னோடு நான்…!)”

அதிகம் படித்தது