நீதி நின்று கொல்லும்
ஆச்சாரிMar 1, 2014
பிறவுயிர் திண்ணாது
மனிதவுயிர் மட்டும்
சுவைக்கும் சுவாமிகளே
மனித உயிர் தாழ்த்தி
மாட்டின் உயிர் உயர்த்தி
மானுடத்தை பின்னிறுத்தும்
மகா பாவிகளே
வாழ்வுரிமை மனிதகுல
நீதி என்றால்
வாழ்வுரிமை பறிப்பது
இந்திய நீதியா
ஒலிக்காத குரல் ஒலிப்பது
ஊடக தர்மம் என்றால்
குரல்வளை நசுக்கும்
உங்கள் கொடுஞ்செயல்
எந்த தர்மம்
குற்றம் அறியா
சிறுபறவைகள் பலவருடம்
சிறைபட்டு பறக்க
துடிக்கும் தருணம்
சிறகை ஒடிக்க
துடிக்கும் கயவர்களே
வாழ்ந்து கெட்ட மனிதன் உண்டு
கெட்டு வாழ்ந்த மனிதனும் உண்டு
கெடுப்பதற்கே வாழும்
கேடுகெட்ட மனிதர்
கூட்டம் நீங்கள்
ருசிக்கும் வரை ருசியுங்கள்
மனித உயிரை
நசுக்கும் வரை நசுக்குங்கள்
எங்கள் குரலை
நினைவில் கொள்ளுங்கள்
அரசன் அன்றே கொல்வான்
நீதி நின்று கொல்லும்!
ஆச்சாரி
இவரது மற்ற கட்டுரைகளைக் காண இங்கே சொடுக்குங்கள்.
கருத்துக்கள் பதிவாகவில்லை- “நீதி நின்று கொல்லும்”