மார்ச்சு 25, 2023 இதழ்
தமிழ் வார இதழ்

பிரமிப்பூட்டும் பெண்மணி – கவிதை

ஆச்சாரி

May 31, 2014

piramippoottum pen2

கவிதை  மூலம் – மாயா ஆஞ்சலூ

மொழிபெயர்ப்பு – தேமொழி

 

அழகிய பெண்கள் வியக்கிறார்கள்

என் இரகசியம் என்னவென்று

நான் ஓர் அழகியுமல்ல

பேரழகிக்குரிய தோற்றமும் எனக்கில்லை

நானிதைச் சொன்னாலோ

நான் பொய்யுரைப்பதாக

அவர்கள் எண்ணுகிறார்கள்

நான் சொல்கிறேன்

எனது கைக்கெட்டும் வகையில்

எனது இடையின் அளவில்

எனது நடையின் துடிப்பில்

எனது கடைவாயிதழ் சுழிப்பில்

நானொரு பெண்

நான் பிரமிப்பூட்டுபவள்

பிரமிப்பூட்டும் பெண் என்பவள் நானே

நான் அறையில் நுழைந்தால்

பிறர் மனம் குளிரும்

மனம் மகிழும்

ஓர் ஆணிடம்

அருகே தோழர்கள் நிற்பார்கள்

அல்லது மண்டியிடுவார்கள்

பிற்பாடு தேன்கூட்டினை

மொய்க்கும் தேனீக்களாக

என்னை அவர்கள் மொய்ப்பர்

நான் சொல்கிறேன்

எனது விழிச் சுடரொளியில்

எனது புன்னகையின் மின்னலில்

எனது இடையின் அசைவில்

எனது நடையின் துள்ளலில்

நானொரு பெண்

நான் பிரமிப்பூட்டுபவள்

பிரமிப்பூட்டும் பெண் என்பவள் நானே

piramippoottum pen1

 

ஆண்களும் வியக்கிறார்கள்

என் ஈர்க்கும் சக்தியின்

காரணம் என்னவென்று

அவர்கள் என்னதான் முயன்றாலும்

என்னுள் மறைந்திருக்கும் மாயம்

அவர்களுக்குப் புரியாது

நான் விளக்கினாலும்

அவர்களுக்கு விளங்குவதில்லை

நான் சொல்கிறேன்

எனது கவர்ச்சி இருப்பது

எனது முதுகின் நிமிர்வில்

எனது புன்னகையின்ஒளிர்வில்

எனது மார்புகளின் அசைவில்

எனது இயல்பின் நளினத்தில்

நானொரு பெண்

நான் பிரமிப்பூட்டுபவள்

பிரமிப்பூட்டும் பெண் என்பள் நானே

இப்பொழுது புரிகிறதா

என் தலைவணங்க மறுப்பதன் காரணம்

நான் கத்துவதுமில்லை குதிப்பதுமில்லை

கவனத்தைக்கவர உரத்துப் பேசத் தேவையுமில்லை

நான் கடந்து செல்வதைக் காணும் பொழுதே

உங்களைப் பெருமை கொள்ள வைக்கும்

நான் சொல்கிறேன்

எனது கால்களிடும் தாளத்தில்

எனது கூந்தலின் துவளளில்

எனது கையில் எதிர்பார்ப்பது

ஓர் அன்பின் அரவணைப்பு

ஏனெனில்

நானொரு பெண்

நான் பிரமிப்பூட்டுபவள்

பிரமிப்பூட்டும் பெண் என்பவள் நானே

If, on the other hand, you are the kind of writer who rarely changes anything and who, once the draft essay is completed, college-essay-help.org gladly forgets about it, you need to begin thinking very seriously about what writing an academic essay entails

ஆச்சாரி

இவரது மற்ற கட்டுரைகளைக் காண இங்கே சொடுக்குங்கள்.

கருத்துக்கள் பதிவாகவில்லை- “பிரமிப்பூட்டும் பெண்மணி – கவிதை”

அதிகம் படித்தது