மார்ச்சு 25, 2023 இதழ்
தமிழ் வார இதழ்

புதிய கேள்வி பதில் பகுதி – வாருங்கள் நம் பண்பாட்டை அறிவோம்!

ஆச்சாரி

Feb 15, 2012

சிறகு வாசகர்களுக்கு வணக்கம். சிறகு இணையத்தில் புதிய கேள்வி –பதில் பகுதியை தொடங்குகிறோம் என்பதை மகிழ்வுடன் அறிவிக்கிறோம். சிறகு கட்டுரைகளுக்கு தாங்கள் கொடுத்து வரும் ஆதரவை இந்த புதிய கேள்வி பதில் பகுதிக்கும் தருவீர்கள் என்று நம்பிக்கையுடன் தொடங்குகிறோம். தங்களுடைய கேள்விகளுக்கு பதில் அளிக்க வருபவர் பேராசிரியர் திரு.க.பூரணச்சந்திரன் அவர்கள். இலக்கியம், பண்பாடு, வரலாறு, சமுகம் தொடர்பான கேள்விகளை editor@siragu.com மின்னஞ்சல் முகவரிக்கு அனுப்புங்கள். அடுத்த இதழ் மார்ச் 1 முதல் கேள்விகளுக்கு பதில்கள் வெளியிடப்படும். பேராசிரியர் திரு.க.பூரணச்சந்திரன் அவர்களைப் பற்றிய சிறிய அறிமுகம் கீழே கொடுத்துள்ளோம்.

பேராசிரியர் திரு..பூரணச்சந்திரன் அவர்கள் திருச்சிராப்பள்ளி பிஷப் ஹீபர் கல்லூரியின் தமிழ் துறைத் தலைவராகப் பணிபுரிந்து ஓய்வு பெற்றவர். வேலூர் ஊரிசு கல்லூரியில் இயற்பியல் இளங்கலைப் பட்டம் பெற்றவர் தொடர்ந்து தமிழிலும், ஆங்கிலத்திலும் முதுகலைப்பட்டம் பெற்றவர். வடமொழியை நன்கு கற்று தேர்ச்சிபெற்றவர். இது அவரது பிற்கால ஆய்வுகளுக்கு பெரும் உதவியாக இருந்தது. மார்க்சிய சிந்தனையுடன் கூடிய, நல்ல திறனாய்வாளர். விமர்சனக்கலையை தமிழில் முனைப்புடன் வளர்த்தவர். இதழியலில் பல ஆய்வுகள் மேற்கொண்டவர். இதழியல் குறித்த பல நூல்கள் எழுதியுள்ளார். பல இலக்கியம் சார்ந்த சிற்றிதழ்களின் வளர்ச்சியிலும், தமிழகத்தில் புதிய நாடகக்கலை குறித்த கருத்தரங்கு, பட்டறை ஆகியவற்றை ஒருங்கினைப்பதிலும் முன்னின்று செயலாற்றியவர்.  முற்போக்கு திரைப்படங்களையும் விமர்சனத்தையும் இளைய தலைமுறைக்கு அறிமுகப்படுத்த முயற்சி எடுத்தவர். பணி ஓய்விற்குப்பின் புதுச்சேரி பல்கலைக்கழகத்தின் வேண்டுகோளுக்கு இணங்க ” இருபதாம் நூற்றாண்டில் தமிழ் இலக்கியத் திறனாய்வு வரலாறு ” என்ற திட்டப்பணியினையும் திறம்பட செய்து முடித்தவர். நல்ல விமர்சகர், சிறந்த மொழிபெயர்ப்பாளர். அண்மையில் ஆனந்த விகடன் இவருக்கு 2011ம் ஆண்டின் சிறந்த மொழிபெயர்ப்பாளர் விருது வழங்கி உள்ளது.  தமிழில் இவர் எழுதிய நூல்கள் பல். அவற்றுள் குறிப்பிட்ட சில :-

1.கவிதை மொழி அமைப்பு தகர்ப்பும்.

2.செய்தித் தொடர்பியல் கொள்கைகள்.

3.பத்திரிக்கை – தலையங்கம் – கருத்துரை.

4.அமைப்பு மைய வாதமும் பின்னமைப்பு வாதமும்.

5.இந்திய மொழிகள் ஓர் அறிமுகம் ( தமிழில் வெளிவந்த முதல் மொழி வரலாற்று நூல் ).

6.தமிழிலக்கியத் திறனாய்வு வரலாறு – 1900 முதல் 1980 வரை.

7. நவீன மொழிபெயர்ப்புக் கோட்பாடுகள்.

8. இலக்கியப் பயணத்தில் சில எதிர்ப்பாடுகள்.

9.கவிதையியல்.

ஆகியவையும், 17க்கும் மேற்பட்ட மொழிபெயர்ப்பு நூல்களும், 6 க்கும் மேற்பட்ட  தொகுப்பு நூல்களும் பதிப்பித்துள்ளார். இது தவிர தமிழ்ப்பலகலைக்கழகம், புதுவைப்பல்கலைக்கழகம் ஆகியவற்றிற்குத் திட்டப்பணிகளும், இந்திய மொழிகள் நடுவண் நிறுவனத்திற்காக – மொழிபெயர்ப்புக் கையேடு என்ற நூலினையும், தமிழ் இலக்கியத்தில் ஒடுக்கப்பட்டோர் நிலையும் மேம்பாடும், மற்றும் தமிழ் இலக்கிய சுற்றுச்சூழல் ஆகிய நூல்களையும் செய்துள்ளார்.

சமுதாயத்தின்பால் தெளிந்த சிந்தனையும், அதன் முற்போக்கு வளர்ச்சிக்குத் தன் முழு உழைப்பையும் ஓயாது செய்து வருபவர். கல்லூரி வகுப்பறைகள், கருத்தரங்கங்கள் ஆகியவற்றில் இவரது சொற்பொழிவுகள், தேர்ந்த ஞானத்தின் வெளிப்பாடு. தக்க தகவுடைய சான்று கூறி ஐயமற விளக்கம் தரும் ஆற்றல் கொண்டவர்.

“பிற நாட்டு நல்லறிஞர் சாத்திரங்கள் தமிழ் மொழியில் பெயர்த்தல் வேண்டும்; இறவாத புகழுடைய புது நூல்கள் தமிழ் மொழியில் இயற்றல் வேண்டும்; அவற்றை வெளிநாட்டார் வணக்கஞ்செய்தல் வேண்டும்” என்ற பாரதியின் வழிநின்று சிறந்த நூல்களை தமிழில் மொழிபெயர்த்து வருகிறார்.

இவர் நமது சிறகு வாசகர்களுக்காக பதில் அளிக்க இசைந்துள்ளதால், வாசகர்கள் சிறகு இணைய தளத்திற்கு (editor@siragu.com) வினாக்களை அனுப்பலாம்.

-சிறகு ஆசிரியர் குழு.

Use the official name that lsu shows in your official record http://www.essayprofs.com/

ஆச்சாரி

இவரது மற்ற கட்டுரைகளைக் காண இங்கே சொடுக்குங்கள்.

முதற் கருத்து பதிவாகியுள்ளது- “புதிய கேள்வி பதில் பகுதி – வாருங்கள் நம் பண்பாட்டை அறிவோம்!”
  1. g.murugan says:

    மிக அருமை. ஐயா

அதிகம் படித்தது