உன் கடவுளும் என் கடவுளும்! (கவிதை)
ராஜ் குணநாயகம்Apr 24, 2021
உன் கடவுள்
உண்மையென்றால்
என் கடவுளும் உண்மைதான்
என் கடவுள்
பொய்யென்றால்
உன் கடவுளும்
பொய்தான்.
நம்பிக்கை
உண்டென்பதுவும்
இல்லையென்பதுவும்
அவரவர் நம்பிக்கை.
நிற்க!
உன் கடவுளும்
என் கடவுளும்
“யார் உண்மையானவர்
யார் பொய்யானவர்? “ என்று
தமக்குள் சண்டைபோட்டுக்கொண்டதாய்
இதுவரை யாரும் எழுதிவைத்ததாய்
நானும் அறியவில்லை.
அறியாத ஒன்றை
எவரோ சொல்லிவைத்ததை நம்பியே
அனைத்தும் அறிந்ததாய்
நானும் நீயும்தான்
சண்டைபோடுகிறோம்
அறியாமலே.
ஈழன்.
ராஜ் குணநாயகம்
இவரது மற்ற கட்டுரைகளைக் காண இங்கே சொடுக்குங்கள்.
கருத்துக்கள் பதிவாகவில்லை- “உன் கடவுளும் என் கடவுளும்! (கவிதை)”