கவிதைச்சோலை (நூல்களைப் படி!, ஒளிவீசாத தீபங்கள்!)
தொகுப்புDec 17, 2016
நூல்களைப் படி!
-இல.பிரகாசம்
சிந்திக்க நல்ல நூல்களைப் படி
சிறந்தநற் பண்பினை ஓதுவாய் உள்ளபடி
பழமையை சீர்தூக்கி புதிய சிந்தனைப்
புரட்சியை செய்வாய் உன்றன் நற்
சமுதாயம் உயர்ந்திடும் படி!- இலக்கியக்
காடென இவ்வுலகம் விரிந்துள்ளதை இப்போ
துணர்ந்து சீரிய எழுத்துக்களால் உழைப்பை
தந்திடுவாய்!வரைந்திடும் எழுத்துக்கள் உன்
சமுதாய மீட்சிக்கு வழிகாட்டியாய் அமைந்திட
நற்சிந்தை மொழிநூல் களனைத்தும் படி!
ஒளிவீசாத தீபங்கள்!
--இல.பிரகாசம்
திருக்கார்த்திகை தீபத்திருநாளில்
ஏழைகளின் வீடுகளும்
அழகுறுத்தப்படுகின்றன!
ஆனால்
அவர்களின் வாழ்வில்
இருளும் வறுமையும் விலகுவதே இல்லை!
இன்னல்களும் வட்டிகளுமே
ஓளிர்ந்து அவர்களது வாழ்வை
கருமையாக்குகின்றன!
தொகுப்பு
இவரது மற்ற கட்டுரைகளைக் காண இங்கே சொடுக்குங்கள்.
கருத்துக்கள் பதிவாகவில்லை- “கவிதைச்சோலை (நூல்களைப் படி!, ஒளிவீசாத தீபங்கள்!)”