கவிதைச் சோலை (தமிழாய் எழுவோம்!, தமிழால் பிறவிப் பலன்)
தொகுப்புFeb 4, 2017
தமிழாய் எழுவோம்!
- ராஜ் குணநாயகம்
எங்கள் சுதந்திர போராட்டம்
மௌனிக்கப்பட்டது
முள்ளிவாய்க்காலிலே…
ஜல்லிக்கட்டுக்கான போராட்டம்
நசுக்கப்பட்டது
மெரீனாவிலே….
மீண்டும் மீண்டும் பிறப்பெடுக்கும்
எட்டப்பன்களே
நம் தமிழ் இனத்தின் சாபக்கேடு!
அலைகள் ஓய்வதில்லை
வீழும்
பின்னே எழும்!
வீழ்ந்தாலும்
தமிழாய் வீழ்வோம்
தமிழாய்
மீண்டும் மீண்டும் எழுவோம்!
-ஈழன்-
————————————————————————————————————————————————————
தமிழால் பிறவிப் பலன்
-இல.பிரகாசம்
நனிசுவை தரும் செந்தமிழ் நூல்பல
கற்றுத் தேன்சுவை தமிழில் ஒருபாட்டு
காதில்சுகம் கொள்வது என் வாழ்வில்
கொண்ட பலன்நூறு தகும்-இளங்
குயில்போலே சின்னஞ் சிறுமழலை மொழியில்
கனிந்திடும் கவிதை வனம் சென்று
சங்கத் தமிழ்பாட்டும் திருக்குறளும் நல்
பழமொழி நானூறும் கேட்டிட ஆவியெடுத்த
பிறவிப் பலன்கோடி பெறும்!-நான்
மீண்டும் இன்னொரு தவம் வெய்வேன்!
தமிழ் மண்ணில் பிறந்திட இப்போதே!
தொகுப்பு
இவரது மற்ற கட்டுரைகளைக் காண இங்கே சொடுக்குங்கள்.
கருத்துக்கள் பதிவாகவில்லை- “கவிதைச் சோலை (தமிழாய் எழுவோம்!, தமிழால் பிறவிப் பலன்)”