பழைய 500 மற்றும் 1000 ரூபாய் நோட்டுக்கள் செல்லாது என மத்திய அரசு அறிவித்தது. இதைத்தொடர்ந்து கடந்த ஒரு வார காலமாக சுங்கச்சாவடிகளில் சில்லரைத் தட்டுப்பாடு காரணமாக பல மணி நேரம் காத்திருக்கும் நிலை மக்களுக்கு ஏற்பட்டது. இதனால் மக்கள் பெரும் சிரமத்திற்கு ஆளானார்கள்.

மக்களின் இத்தட்டுப்பாட்டை கருத்தில் கொண்டு நாடு முழுவதும் தேசிய நெடுஞ்சாலைகளில் சுங்கச்சாவடி கட்டணத்தை ரத்து செய்துள்ளது மத்திய அரசு. இந்த ரத்து நவம்பர் 18 நள்ளிரவு வரை நீடிக்கும் என மத்திய சாலை போக்குவரத்துத் துறை அமைச்சர் நிதின் கட்காரி அறிவித்துள்ளார்.