முதல்வர் எடப்பாடி பழனிச்சாமி சட்டசபையில் பெரும்பான்மையை நிரூபித்தார்
Feb 18, 2017
தமிழக முதலமைச்சராக பதவியேற்றுள்ள எடப்பாடி பழனிச்சாமி இன்று சட்டசபையில்தனது பெரும்பான்மையை நிரூபிக்க உள்ளதாக தெரிவித்திருந்தார். இதையடுத்து சட்டசபை இன்று காலை 11.00 மணியளவில் கூடியது. இதில் 230எம்.எல்.ஏ-க்கள் பங்கேற்றனர்.
இதில் ரகசிய வாக்கெடுப்பு நடக்க வேண்டும் என்று எதிர்கட்சிகள் கேட்டுக்கொண்டதை ஏற்காத சபாநாயகர், அங்கு ஏற்பட்ட கூச்சல் குழப்பம் காரணமாக இரண்டு முறை ஒத்திவைக்கப்பட்டது.
தொடர்ந்து சட்டசபையில் அமளி ஏற்பட்டதையடுத்து திமுக எம்.எல்.ஏ-க்களை வெளியேற்றினார் சபாநாயகர். இரண்டு முறை ஒத்திவைக்கப்பட்ட சட்டசபை மீண்டும் 3 மணிக்கு கூடியது. மீண்டும் இவர்களைத் தொடர்ந்து காங்கிரஸ் வெளிநடப்பு செய்தனர்.
பின்பு எண்ணிக்கழித்தல் முறையில் நம்பிக்கை ஓட்டெடுப்பு நடைபெற்றது. இதில் முதல்வர் எடப்பாடி பழனிச்சாமிக்கு ஆதரவாக 122 எம்.எல்.ஏ-க்களும், எதிராக 11 எம்.எல்.ஏ-க்களும் வாக்களித்தனர்.
இதையடுத்து முதல்வர் எடப்பாடி பழனிச்சாமி வெற்றி பெற்றதாக அறிவித்தார் சபாநாயகர் தனபால்.
இவரது மற்ற கட்டுரைகளைக் காண இங்கே சொடுக்குங்கள்.
கருத்துக்கள் பதிவாகவில்லை- “முதல்வர் எடப்பாடி பழனிச்சாமி சட்டசபையில் பெரும்பான்மையை நிரூபித்தார்”